આ સોન્ગ ‘રેપ’ સ્ટાઈલમાં તૈયાર કરવામાં આવ્યું છે, જે સાયબર ગુનાની દુનિયાના અંધકાર અને તેનાથી થતી લાચારીને અત્યંત પ્રભાવશાળી રીતે રજૂ કરે છે. સોન્ગના ગાયક અને ગીતકાર આર્યન સૌરવ છે, જેમણે પોતાના ધારદાર શબ્દોથી ડિજિટલ યુગમાં છુપાયેલા ગુનેગારોનો પર્દાફાશ કર્યો છે. ગીતનું સંગીત જપજી દ્વારા કમ્પોઝ કરવામાં આવ્યું છે, જેમાં એડિશનલ વોકલ્સ તરીકે જપજી, ધ ઇન્ડિયન કોરલ એન્સેમ્બલ અને પ્રતિકાનો સમાવેશ થાય છે.

‘છળકપટની ધરપકડ’ ગીત માત્ર મનોરંજન નથી પરંતુ એક સામાજિક જાગૃતિનું માધ્યમ છે. જે રીતે ટેકનોલોજીના નામે લોકોના ડેટા ચોરી કરીને તેમને ‘ડિજિટલ અરેસ્ટ’ના નામે લૂંટવામાં આવે છે, તે સમગ્ર પ્રક્રિયાને આ ગીતના લિરિક્સમાં વણી લેવામાં આવી છે. સોન્ગના બીટ અને મ્યુઝિક ફિલ્મના ક્રાઈમ થ્રિલર માહોલને વધુ સચોટ બનાવે છે.

ઇન્દિરા મોશન પિક્ચર્સ અને નવેમ્બર ફિલ્મ્સ દ્વારા પ્રસ્તુત આ ફિલ્મમાં મલ્હાર ઠાકર, શ્રુહદ ગોસ્વામી અને પ્રશાંત બારોટ જેવા કલાકારો મુખ્ય ભૂમિકામાં છે. દિગ્દર્શક અનિશ શાહે આ ફિલ્મ દ્વારા દરેક સ્માર્ટફોન યુઝરને એક મહત્વની ચેતવણી આપી છે કે ઇન્ટરનેટ એક માયાવી જાળછે.

ફિલ્મ ‘ધરપકડ’ આગામી 15 મે, 2026 ના રોજ સિનેમાઘરોમાં રિલીઝ થવા જઈ રહી છે. અત્યારે આ નવું સોન્ગ ‘છળકપટની ધરપકડ’ સોશિયલ મીડિયા અને મ્યુઝિક પ્લેટફોર્મ પર ધૂમ મચાવી રહ્યું છે.

https://dharpakadmovie.com/chhalkapat

અમદાવાદ: ટીઝરની અપાર સફળતા અને સોશિયલ મીડિયા પર ચાલી રહેલી ચર્ચાઓ વચ્ચે, ભારતની પ્રથમ ‘ડિજિટલ અરેસ્ટ’ સ્કેમ પર આધારિત ગુજરાતી ફિલ્મ ‘ધરપકડ’નું સત્તાવાર ટ્રેલર રિલીઝ કરવામાં આવ્યું છે. આ ટ્રેલર આજના આધુનિક યુગમાં વધતા જતા સાયબર ક્રાઈમના એવા પાસાને ઉજાગર કરે છે, જે સામાન્ય માણસના મનમાં ફાળ પાડી દે તેવું છે. ઇન્દિરા મોશન પિક્ચર્સ અને નવેમ્બર ફિલ્મ્સ દ્વારા પ્રસ્તુત આ ફિલ્મ આગામી 15 મે, 2026 ના રોજ મોટા પડદા પર દસ્તક આપવા તૈયાર છે.

ટ્રેલરમાં જોવા મળે છે કે કેવી રીતે એક સામાન્ય પરિવારના પગ નીચેથી જમીન સરકી જાય છે જ્યારે તેમને ફોન પર કહેવામાં આવે છે કે, “તમારા દીકરા અર્જુનની ધરપકડ કરવામાં આવી છે”. ટ્રેલરની શરૂઆતમાં જ સમજાવવામાં આવ્યું છે કે ઇન્ટરનેટ એક એવું જાળું છે જ્યાં આપણે સામે ચાલીને આપણો ડેટા શેર કરીએ છીએ અને સ્કેમર્સ તેનો ઉપયોગ કરીને ટાર્ગેટ નક્કી કરે છે. પોલીસના નામે આવતા ફેક કોલ્સ, ઘરમાં જ કેદ થઈ જવાની મજબૂરી અને “ડિજિટલ અરેસ્ટ” ના નામે થતી લાખોની ઉઘાડી લૂંટના દ્રશ્યો હચમચાવી દે તેવા છે. મલ્હાર ઠાકર એક એવા શખ્સના રોલમાં છે જે આ અદ્રશ્ય સ્કેમર્સને પકડવા માટે મેદાને ઉતરે છે અને કહે છે કે, “આ કોઈ નાની ચોરી નથી, આ તો બહુ મોટી ગેમ છે”

દિગ્દર્શક અનિશ શાહે આ ક્રાઈમ થ્રિલરમાં માત્ર રહસ્ય જ નથી વણ્યું, પરંતુ એક સામાન્ય મધ્યમવર્ગીય પરિવારની લાચારી અને તેમની સંવેદનાઓને પણ ખૂબ જ અસરકારક રીતે રજૂ કરી છે. ફિલ્મમાં મલ્હાર ઠાકર અને શ્રુહદ ગોસ્વામીની જોડી પહેલીવાર પડદા પર આવી રહી છે, જે ટ્રેલરમાં પણ આકર્ષણનું કેન્દ્ર બની છે. તેમની સાથે પ્રશાંત બારોટ, પ્રતીક રાઠોડ અને જય ભટ્ટ જેવા અનુભવી કલાકારોએ ફિલ્મના પ્લોટને વધુ મજબૂતી આપી છે.

આ ટ્રેલર જોયા બાદ પ્રેક્ષકોમાં એ વાતની ઉત્સુકતા વધી ગઈ છે કે શું આ પરિવાર આ સ્કેમની જાળમાંથી બહાર નીકળી શકશે? ફિલ્મનો મુખ્ય હેતુ મનોરંજનની સાથે સામાજિક જાગૃતિ લાવવાનો પણ છે. ‘ધરપકડ’ એ માત્ર એક ફિલ્મ નથી પણ દરેક સ્માર્ટફોન વાપરનાર વ્યક્તિ માટે એક ચેતવણી સમાન છે. 15 મે ના રોજ સિનેમાઘરોમાં રિલીઝ થનારી આ ફિલ્મ ગુજરાતી સિનેમામાં એક નવો વળાંક લાવશે તેવી અપેક્ષા રાખવામાં આવી રહી છે.

Trailer Link- https://www.youtube.com/watch?v=4iBHI_cNgcw

અમદાવાદ, એપ્રિલ 2026 – આજના સમયમાં એક ફોન કોલ પણ હથિયાર બની શકે છે, અને આવી જ હકીકતને રજૂ કરતી વાર્તા સાથે ગુજરાતી સિનેમા એક નવી દિશામાં આગળ વધી રહ્યું છે. ‘ધરપકડ’, ભારતની પ્રથમ ડિજિટલ અરેસ્ટ પર આધારિત ફિલ્મ, જેનું સત્તાવાર પોસ્ટર રજૂ થઈ ચૂક્યું છે – અને તેણે ફિલ્મની રિલીઝ પેહલા જ લોકોમાં ચિંતા અને ઉત્સુકતા જગાવી દીધી છે.
‘ધૂનકી’ અને ‘ઉડન છૂ’ના નિર્માતાઓ દ્વારા નિર્મિત આ ફિલ્મ, એક અલગ અને આધુનિક વિષય સાથે અનોખી વાર્તા રજૂ કરે છે.
ઇંદિરા મોશન પિક્ચર્સ અને નવેમ્બર ફિલ્મ્સ દ્વારા નિર્મિત આ ફિલ્મ તારીખ 15 મે, 2026 ના રોજ થિયેટરોમાં રિલીઝ થવાની છે અને તે એક એવા ખતરાને મોટા પડદા પર લાવશે, જે આજકાલ સહજતાથી આપણા જીવનમાં પ્રવેશી રહ્યો છે.
આ ફિલ્મનું સૌથી મોટું આકર્ષણ છે મલ્હાર ઠાકર અને શ્રુહદ ગોસ્વામીની સૌપ્રથમ વખત સ્ક્રીન પર એકસાથે હાજરી. મલ્હાર, જે હાલમાં ‘ઓલ ધ બેસ્ટ પંડ્યા’, ‘વેનિલા આઈસક્રીમ’ અને ‘જય માતાજી – લેટ્સ રૉક’ જેવી સતત હિટ ફિલ્મો સાથે ગુજરાતીના સૌથી મોટા સ્ટાર તરીકે ઉભર્યા છે, તેઓ હવે *‘ધરપકડ’*માં એક ગંભીર ભૂમિકામાં જોવા મળશે.
તેમની સાથે છે શ્રુહદ ગોસ્વામી, જેમણે ‘લાલો’ ફિલ્મમાં કૃષ્ણના પાત્રથી દર્શકોના દિલ જીત્યા હતા – લાલો એક એવી ફિલ્મ હતી જેને 100 કરોડથી વધુ કમાણી કરીને ગુજરાતી સિનેમામાં એક ઇતિહાસ રચ્યો હતો. તેમની મજબૂત અભિનય ક્ષમતા આ ફિલ્મને વધુ ગૂઢ અને રસપ્રદ બનાવે છે.
અનિશ શાહ દ્વારા દિગ્દર્શિત આ ફિલ્મમાં પ્રશાંત બારોટ, પ્રતિક રાઠોડ અને જય ભટ્ટ પણ મહત્વપૂર્ણ ભૂમિકાઓમાં જોવા મળશે. ફિલ્મના નિર્માતા રાહુલ બડાલ, જય શાહ અને અનિશ શાહ છે, જે એક એવી ફિલ્મ રજૂ કરવા માંગે છે જે માત્ર મનોરંજન જ નહીં પરંતુ સામાજિક રીતે પણ મહત્વપૂર્ણ હોય.
‘ધરપકડ’ ને ખાસ બનાવે છે તેનો ગંભીર અને આધુનિક વિષય. ડિજિટલ અરેસ્ટ, એક એવો સાયબર ક્રાઇમ જેમાં વ્યક્તિને તે પોતે સતત નજરબંધ હોવાની અનુભૂતિ કરાવવામાં આવે છે.
“‘ધરપકડ’ એક ખૂબ જ વાસ્તવિક વિચારમાંથી જન્મેલી ફિલ્મ છે. એક સામાન્ય ફોન કોલને પણ કેટલું ભયજનક બનાવી શકાય – એ બતાવવાનો અમારો પ્રયાસ રહ્યો છે. આ ફિલ્મ મનોરંજન સાથે જાગૃતિ પણ લાવે છે,” કહે છે અનિશ શાહ, ‘ધરપકડ’ના દિગ્દર્શક અને નિર્માતા.
મલ્હાર ઠાકર, ફિલ્મના મુખ્ય કલાકાર કહે છે, “‘ધરપકડ’માં જે વાત મને સૌથી વધુ ગમી, એ તેની રિયલિટી છે. આ કોઈ દૂરની થ્રિલર નથી – આ તો કોઈપણ સાથે બની શકે એવી ઘટના છે. એ કારણે આ ફિલ્મ કરવી મારા માટે ખાસ અનુભવ રહ્યો.”
આ રીતે ‘ધરપકડ’ પરંપરાગત વાર્તાઓથી અલગ જઈને એક આધુનિક અને ચેતવણી આપતી વાર્તાને રજૂ કરે છે. આ ફિલ્મ માત્ર મનોરંજન અને થ્રિલ જ નહીં પીરસે, પરંતુ ડિજિટલ યુગમાં વધતા સાયબર ક્રાઇમ વિશે વિચારવા મજબૂર પણ કરશે.
ફિલ્મની જાહેરાત બાદથી જ તે ચર્ચાનો વિષય બની ગઈ છે અને દર્શકો તેમજ ફિલ્મ ઉદ્યોગમાં તેને એક મહત્વપૂર્ણ પગલું માનવામાં આવી રહ્યું છે. અનોખી વાર્તા, શક્તિશાળી અભિનય અને સતત તણાવભર્યા માહોલ સાથે, ‘ધરપકડ’ આ વર્ષની સૌથી મહત્વપૂર્ણ ફિલ્મોમાંથી એક બનવા જઈ રહી છે.
ચેતવણી: ‘ધરપકડ’ જોયા પછી તમે અજાણ્યા નંબર પરથી આવેલા કોલ સ્વીકારતા પહેલાં બે વાર વિચારશો.